RISHTEDAAR

RISHTEDAAR SE ACHCHA SULOOK MAUT Ko TAAL DETA HAI, UMR MEIN IZAFA HOTA HAI

Riwayat:

Hannan bin Sadeer kehte hain kehte hain ke hum Imam Sadiq (as) ke paas maujood the aur hum mein 'Maysar' bhi the. Maysar ne rishtedaaro'n ke saath Sil e Rehmi ka tazkera shuru kiya, to Imam Sadiq (as) ne farmaya, "Maysar! Tumhari Maut ek do martaba tumhare paas aa chuki hai, lekin Allah Ta'ala usay taalta raha hai, is liye tum apne qareebi azeezo'n (rishtedaaro'n) ke saath Sil e Rehmi karte ho. Agar tum chahte ho ke tumhari umr zyada ho to apne dono budhho'n (waaledain) ke saath Neki ka sulook karo".

(Meezan ul Hikmah, v6, p842; Meezan ul Hikmah (Intekhaab o Takhlees), v3, p31; Tehzeeb ul Islam, p271; A Bundle Of Flowers)

Rasule Khuda (saww):

Jab ek shakhs Sil e Rehmi karta hai aur uski umr ke sirf 3 saal baaqi hote hain to Khuda Wande Aalam unhein badha kar 30 saal kar deta hai aur agar koi shakhs jiski umr ke 30 saal baaqi the, Qat e Rehmi karta hai (qareebi rishtedaaro'n se talluqaat kaatt deta hai), to Khuda uski umr ko ghatta kar 3 saal kar deta hai.

(Ahadees e Rasul (saww), p91)